
--Ads--
Nakasaganan ti Commission on Elections (COMELEC) para iti plebiscite iti Naga City ita nga umay a Sabado, Nobiembre 21, mainaig iti singasing a mapagbalin iti lugar a Highly Urbanized City (HUC).
Target ti komision a dumanon iti 75 a porsiento ti bilang dagiti botante, manipud iti nasurok a 119,000 a botante a manamnama a makipaset iti eleksion.
Segun kenni COMELEC Chairman George Erwin Garcia, naipatuloden iti Naga City dagiti balota ken dadduma pay a kasapulan nga alikamen para iti plebiscite.
Manamnama a maammuan ti resulta inton rabii ti Sabado bayat nga agtultuloy nga ipakaammo ti lokal a gobierno iti publiko maipapan iti kinapateg ken epekto ti Naga a maysa a Highly Urbanized City.
-- ADVERTISEMENT --










