
Kayat ti Pilipinas nga isingasing ti pannakabukel ti regional mechanism para iti panag-stock iti taraon ken bagas kas panagsagana iti posible a krisis ti suplay ti taraon iti Southeast Asia, pakairamanan ti nakaro ken napaut nga El Niño.
Segun ken ni Trade Secretary Cristina Roque, uray saan pay a napagsasaritaan iti ASEAN ti kastoy a singasing, ikagumaanna nga itandudo daytoy kadagiti miembro a pagilian tapno mapatalged ti suplay ti taraon ken malapdan ti kellaat a panagngato ti presio dagiti kangrunaan a tagilako.
Kabayatanna, immanamong dagiti pagilian ti ASEAN a mangpapigsa iti panagtitinnulong iti agrikultura babaen ti panagsinnukat ti pannakaammo ken teknolohia iti panagtalon.
Maibasar kadagiti panagadal, ti nakaro a panagbalbaliw ti klima ket mabalin a mangapektar iti produksion ti bagas iti Pilipinas ken dadduma pay a pagilian iti rehion, a mabalin a pakaigapuan ti kinakirang ti suplay ken panagngato ti presio ti taraon.










