
Impaganetget manen ni prosecution spokesman ken Lanao del Sur Rep. Zia Alonto Adiong a ni Vice President Sara Duterte ti nasken a pagpokusan ti impeachment trial ken saan a dagiti senator-judge wenno dadduma pay nga opisial ti gobierno.
Kasaruno daytoy ti karit ni Senator-Judge Robin Padilla nga imbestigaran met ti lifestyle ti dadduma pay a government officials kalpasan a Kwinestionaran ti prosekusion ti P256,000 a ginastos ni Atty. Manases Carpio para iti sapatos dagiti basketball player ken P205,000 a restaurant bill idiay Japan.
Segun ken ni Adiong, nakapokus ti trial iti mapapati a saan a husto a panangideklara ni Duterte iti Statement of Assets, Liabilities and Net Worth (SALN)-na ken dagiti baknang ti agasawa a kukuwestionaren ti prosekusion.
Impaganetgetna pay a saan a nasken nga iyaw-awan babaen iti sabali nga opisial ti patangan ta ni Duterte ti kangrunaan a personalidad a maus-usig iti impeachment trial.










