--Ads--

Nagpanawagan ti National Union of Peoples’ Lawyers (NUPL) iti nasapsapa a pannaka-wayawaya dagiti 216 a tattao, agraman dagiti delegado ti Lakbayan, estudiante ken dadduma pay a nagprotesta a nakemmeg idi Nobiembre 15, 2026.

Segun ken ni NUPL President Atty. Ephraim Cortez, awan ti legal a pagibasaran dagiti panagtiliw ken adda pay dagiti report mainaig iti pammutbuteng, saan a nainkalintegan a kondision iti pagbaludan ken pananglapped iti panagbisita dagiti abogado ken pamilia.

Inallukoy ti grupo ti Department of the Interior and Local Government (DILG) nga imbestigaran dagiti mapapati a panaglabsing ken impaganetgetda a nasken a masigurado ti karbengan dagiti balud iti legal a representasion.

Kabayatanna, target pay ti nadumaduma a grupo a makaasideg iti Philippine International Convention Center (PICC) kagiddan ti isasangpet ni US President Donald Trump iti baet ti nainget a seguridad para iti ASEAN Summit.

-- ADVERTISEMENT --