--Ads--
Target ti Department of Transportation (DOTr) a mangnayon iti 50 pay a bus iti EDSA Busway inton Disiembre tapno ma accommodate ti panagado ti pasahero ita a panawen ti bakasion.
Segun ken ni Transportation Secretary Vince Dizon, umaboten itan ti 400 a bus nga agbibiahe iti daytoy a ruta kalpasan ti pannaka inayon ti 50 units para iti ASEAN Summit.
Inton 2027, ti DOTr a mismo ti mangimaton iti pakabuklan nga operasion ken pannaka mentenar ti EDSA Busway, agraman dagiti footbridges.
Panggepna a mapapartak ti pannakatarimaan dagiti pasilidad kas iti nadadael a silaw ken saan nga agta trabaho nga elevator tapno masigurado ti naannayas a panaglugan dagiti agbibiahe.
-- ADVERTISEMENT --
