--Ads--
Namakdaar ti Department of Health (DOH) iti publiko kontra iti alisto a pannakadadael ti taraon ken posible a pannakamulit ti danum gapu iti nakaro a pudot nga patauden ti El Niño. Segun iti DOH, naparpartak nga umadu dagiti bakteria no nangato ti temperatura, isu a nalaka a madadael dagiti taraon.
Mabalakadan ti publiko nga agusar iti nadalus a danum para iti panagisagana iti taraon ken panagpaburek iti mainum a danum no saan a masigurado ti kinadalus na.
Maipalagip pay kadagiti umili ti panangabbong, panangidulin iti umno wenno panagsida a dagus kadagiti naluto a taraon tapno maliklikan ti pannakasabidong iti taraon ken dadduma pay a sakit a gapuanan ti nangato a temperatura.
