--Ads--
Nangituding ni Santa, Ilocos Sur Mayor Bueno iti minimum farmgate price a ₱180 kada kilo iti sibibiag a baboy babaen iti bileg ti Executive Order No. 178, Series of 2026.
Maibasar iti pammilin, maymaysa a presio ti aniaman a dagsen ti taraken a baboy.
Naituding met iti agingga P120 a nayon nga allowance para iti slaughtering, dressing, transportation ken handling, isu a saan a nasken a lumabes iti P300 kada kilo ti reference price iti karne ti baboy.
Gagem ti addang a masalwadan dagiti hog raiser ken masigurado ti patas ken nalawag a presio para kadagiti meat vendor ken aggatang.
-- ADVERTISEMENT --
