Indagadag ti 20 a senador ken ni Presidente Ferdinand Marcos Jr. nga ideklarana ti state of calamity kadagiti lugar a naapektaran wenno agpegpeggad gapu iti El Niño tapno dagus a mausar ti pondo ti gobierno para kadagiti apektado a komunidad.
Impakdaar dagiti senador nga agpegpeggad ti pagbiag dagiti mannalon ken mangngalap, produksion ti taraon ken suplay ti danum gapu iti nakaro a tikag.
Nairekord ti pagilian iti P6.87-B iti agricultural damage a nakasaklaw iti 249,028 nga ektaria agingga idi Setiembre 26, 2026, katukad ti 43 porsiento iti dagup a nadadael bayat ti 2023 agingga 2024 El Niño.
Nairekord pay a 106 a siudad ken ili iti Cagayan Valley, Caraga, Bicol, Calabarzon ken Soccsksargen ti nangideklara iti state of calamity idi Oktubre 6, a naapektaran ti mapattapatta a 388,375 a tattao.
