--Ads--
Pito a tattao ti natay ken 112 ti nadunor gapu iti panagdinnungpar dagiti dua a tren idiay Al-Ayat district, Giza province, Egypt.
Segun iti railway authority, mano a bagon ti nadiskaril kalpasan a naidungpar ti tren nga agturong idiay Giza-Fayoum iti likudan a paset ti tren a mapan iti Aswan manipud Cairo.
Dagus a naipaagas kadagiti ospital dagiti nadunor.
Kabayatanna, imbilin ni Presidente Abdel Fattah al-Sisiti dagus nga imbestigasion tapno maammuan ti rason ti aksidente ken madusa ti asinoman a mapaneknekan a nagbasul.
-- ADVERTISEMENT --
