--Ads--
Nasalamaan dagiti kameng ti Tagudin Animal Quarantine ti maysa a refrigerated van a nagkarga iti dried ken frozen meat nga aggatad iti mapatta-patta a ₱228,000 idiay Barangay Bio, Tagudin, Ilocos Sur.
Dagiti naglabsing ket pakairamanan ti maysa a lalaki nga agtawen iti uppat a pulo ket siam nga isu ti nagmaneho iti lugan kadua ti helper-na a lalaki nga agtawen iti tallopulo ket dua, agpada nga agnaed iti Pangasinan.
Natiliw ida gapu iti panaglabsingda iti Provincial Ordinance No. 15-06, Series of 2015, ta saanda a dimmalan iti inspeksion ken awan ti shipping permit ti kargamentoda.
Addan iti kustodia ti Tagudin Animal Quarantine personnel dagiti dua a lalaki, agraman ti lugan ken dagiti naala a karne tapno maidalan iti husto a proseso.
-- ADVERTISEMENT --
