Inawagan ni House lead prosecutor ken ni Batangas Rep. Gerville Luistro a saan nga “explosive” dagiti 24 a testigo nga insagana ti defense team ni Vice President Sara Duterte iti impeachment proceedings.
Segun ken ni Luistro, saan unay a mangapektar kadagiti naipasangon nga ebidensia ti prosecution ti testimonia dagiti testigo, agraman ti 16 nga opisial dagiti bangko.
Impaganetget ti prosecution team a naibasar kadagiti dokumento ken record manipud iti Securities and Exchange Commission ken Anti-Money Laundering Council (AMLC) dagiti ebidensia mainaig iti mapapati nga unexplained wealth ken saan a naideklara a baknang iti Statement of Assets, Liabilities and Net Worth (SALN) ti Bise Presidente.
Nupay kasta, mamati ni Luistro a marigatan ti defense team a kontraen dagiti dokumento a nagtaud mismo kadagiti transasksion ken deklarasion dagiti agassawa a Duterte-Carpio.
