--Ads--
Nangbukel ti Department of Health (DOH) ken Department of Trade and Industry (DTI), kaduada ti dagiti dadduma nga ahensia, iti high-level task force tapno masigurado ti umdas a suplay ken magtengan a presio dagiti agas iti pagilian.
Panggepna a suportaran dagiti programa ti PhilHealth YAKAP ken GAMOT tapno direkta a maibaba ti presio dagiti agas ken mapapartak ti pannakagun-od kadagiti nasken a remedyo.
Mapapigsa met ti lokal a produksion dagiti prioridad nga agas ken ti supply chain tapno maliklikan ti kinakurang ti suplay kadagiti pasilidad ti publiko.
Paset daytoy ti panangitandudo ti Universal Health Care tapno masigurado ti napardas, patas ken mapagtalkan a serbisio ti salun-at para kadagiti amin a Pilipino.
-- ADVERTISEMENT --
