Naikeddeng A ti Department of education (DepEd) ket mang iwaras ti 172,654 a baro a laptop nga aggatad iti ₱7.4 bilion para kadagiti manursuro iti public schools ken dagiti administrative personnel.
Panggep ti programa a mapapigsa ti kabaelan dagiti manursuro iti panagusar kadagiti digital tools ken teaching technology.
Mabalin a magatang ti tunggal laptop iti ₱43,000, ₱6,000 a nababbaba ngem iti naisingasing a presio. Karaman pay iti package ti lima a tawen a warranty, productivity tools ken delivery services.
Manamnama a mangrugi ti pannaka iwaras dagiti laptop manipud Nobiembre agingga iti Marso inton sumaruno a tawen. Makitinnulong pay ti DepEd kadagiti kompania ti teknolohia tapno masanay dagiti mannursuro iti panagusar kadagiti baro nga alikamen.
