Nagballaag ti Department of Labor and Employment (DOLE) kontra kadagiti prank calls kagiddan ti pannakairusat ti baro a Hotline a 15/30 o 1-5-3-0 para kadagiti concern iti maseknan iti panagtrabaho.
Silulukat ti hotline 24 nga oras kada aldaw, pito nga oras kada lawas para kadagiti reklamo mainaig iti saan a nabayadan a sueldo ken benepisio, illegal dismissal, panaglabsing iti labor standards ken occupational safety.
Inlawlawag ni Labor Secretary Francis Tolentino a saan a dagus a masolusyonan dagiti reklamo a maaw-awat ta kasapulan pay a mai-refer iti maseknan nga opisina ti DOLE tapno matignayan.
Inallukoyda ti publiko a responsible nga aramaten ti hotline tapno masigurado a masolusyonan dagiti lehitimo a concern dagiti mangmangged, employer ken dadduma pay a labor stakeholders.
