Inlawlawag ni dati a Department of Public Works and Highways (DPWH) Undersecretary Roberto Bernardo a saan a nagkiddaw ti proyekto, nakipag-negosasioon iti kickback ken nakipaset kadagiti transaksion ni dati a Speaker Ferdinand Martin G. Romualdez.
Inaklon ni Bernardo nga umaw-awat isuna ti pinansia a benepisio kadagiti infrastructure projects a konektado iti agduduma a proponent, no sadino inawagan na daytoy a barato wenno token.
Nupay kasta, pinasingkedan ni Bernardo nga awan ti personal na a transaksion iti proyekto wenno financial arrangements ken ni Romualdez.
Kinumpirma pay ti dati nga opisial iti innem nga affidavit-na a saan a karaman ni Romualdez kadagiti project proponent wenno uray nainaig laeng iti negosasion iti komision ken dadduma pay a financial commitment.
