--Ads--
Uppat a tattao ti natay ken 11 ti nadunor kalpasan ti panagswek ti Italian CH-47 Chinook military helicopter bayat ti panagisayangkatda iti routine exercise iti rehion ti Brcko, Bosnia ken Herzegovina.
Segun iti European Union Force in Bosnia (EUFOR), napasamak ti insidente iti lugar a 180 kilometro iti amianan ti kabisera ti Sarajevo.
Pinasingkedan ti Italian Ministry of Defense a karaman kadagiti natay ket dua a soldado ken dua a boluntario ti Red Cross, bayat nga amin nga Italian nationals ket nakalugan iti helicopter.
Natalged ti kasasaad dagiti 11 a nadunor ken maag-agasandan iti ospital.
-- ADVERTISEMENT --
Kabayatanna, mangisayangkat ti EUFOR iti naan-anay nga imbestigasion tapno maammuan no ania ti rason ti panagswek ti helicopter.
