Nasurok a 200 a pasahero a nagbayad tapno agtalinaed bayat ti panagbiaheda iti internasional a cruise ship ti kellaat a bimmaba iti maysa a sangladan idiay Cambodia kalpasan a sinuspende ti operator ti operasionna gapu kadagiti pinansial a parikut.
Segun iti maysa nga opisial ti Cambodia, pito laeng nga oras ti naited kadagiti pasahero nga agimpake ken bumaba manipud iti barko nga Odyssey bayat a nakasanglad daytoy idiay Sihanoukville, kalpasan a simmangpetda manipud Thailand idi Oktubre 23.
Inlawlawag ti kompania a Villa Vie Residences a ngimmato ti gastos iti krudo kalpasan ti gubat iti Iran, a ti binulan a gastos iti gasolina iti tunggal kabina ket ngimmato manipud $1,800 agingga napattapatta a $6,000 agingga $8,000 iti dadduma a paset ti Asia.
Gapu iti insidente, dadduma a pasahero ti naglugan iti eroplano nga agawid bayat a nagtalinaed ti dadduma idiay Cambodia, ket kinuna ti kompania a maki-uman kadagiti naapektaran tapno agsapulda iti temporario a pagdagusan.
