P187 560 a kuwarta ken maysa nga helmet ti tinakaw ti saan pay a nabigbig a lalaki iti opisina ti maysa a corporation idiay Barangay Del Pilar, ili ti Tagudin.
Ti biktima ket agtawen iti tallopulo ket lima, branchy manager ti corporation residente ti Brgy. Baringcucurong, Suyo, Ilocos Sur.
Ti met suspek ket saan pay nabigbig a lalaki, mapatta-patta nga agtayag iti 5’8, kalalaingan ti kudilna, adda ti tattoo iti kannigid nga imana ken kadagiti sakana, nakasuot ti puraw a ballcap, naka-puraw a Tshirt, black ti shortpant na ken nakasapatos.
Basar iti CCTV footage, dinadael ti suspek ti kangrunaan nga arwangan ti opisina ket idi nakastrek ket nagsapul kadagiti napapateg a banag sakbay a pimmanaw.
Segun ti branch manager, nagisayangkat isuna ti inventory kadagiti nakolekta da a kuwarta idi October 23 ken inkabilna daytoy iti uneg ti maya a vault.
Ngem idi kalman, October 27, nasangpetanen ti biktima a nakalukat ti roll-up door ken ti kangrunaan nga arwangan, kasta pay a nadadaelen dagiti drawer ken ti vault a nagyanan ti kuwarta.
Mannarimaan ti imbestigasion dagiti pannakabagi ti linteg tapno matunton ti suspek para iti pannakaipila ti maiyannatup a kaso.
