Imbilin ti National Capital Region Police Office (NCRPO) iti amin a unit da a paingeten ti bomb threat awareness campaign kadagiti pagadalan iti Metro Manila kasaruno ti insidente University of Santo Tomas (UST).
Segun iti NCRPO, gagem daytoy a siguradoen a napardas ken coordinated ti panangrisut ti aniaaman a bomb threat, kasta payen ti husto a threat assessment ken nasayaat a panangipatungpal ti emergency procedures tapno masigurado a maprotektaran dagiti estudyante ken school personnel.
Kasaruno daytoy ti bomb threat idi Oktubre 23 idiay St. Martin de Porres Building ti UST faculty of Medicine and Surgery idiay Manila.
Segun ken ni NCRPO officer-in-charge Brig. Gen. Christopher Abrahano, masapul nga ammo dagiti pagadalan no sino ti kontaken da, kasano ti agireport ti pangta ken kaano a masapul nga ipatungpal ti emergency measures.
