--Ads--
Maysa a grupo manipud iti National Bureau of Investigation (NBI) ti naituding a mapan idiay Laos tapno makibinnulig kadagiti lokal nga otoridad ken mangimbestigar iti 521 kilos a shabu a ginandat a maipuslit ditoy Pilipinas.
Segun ken ni NBI Director Melvin Matibag, ur-urayenda laeng ti pakaammo ti gobierno ti Lao sakbay nga ituloy da ti imbestigasion, iti koordinasion ti Department of Foreign Affairs (DFA).
Inlawlawag ti NBI a ti panggep da ket saan a ti panangtiliw kadagiti suspek idiay Laos, no di ket tapno maammuan no asino ti nangurnos ti flight booking ken no asino ti adda iti likudan ti pannakaipatulod dagiti nadakamat nga illegal a droga.
