Natalged dagiti dua a drayber iti panagdinnungpar ti trak ken bus iti national highway ti Brgy. Baclig, Cabugao, Ilocos Sur.
Ti bus ket minaneho ti lalaki nga agtawen iti uppat a pulo ket dua, agnaed iti Barangay Sisim, Cabugao.
Ti met trak ket minaneho ti lalaki nga agtawen iti uppat a pulo ket dua, agnaed iti Quezon City.
Agpapa-abagatan ti bus ket idi madanonna ti kurbada a paset ti kalsada ken ti intersection nga agturong iti Barangay Baclig, ket isu met ti gundaway a nakadinnungparna ti trak.
Iti pannaki-uman ti Bombo Radyo Vigan ken ni PMaj. Pol Areola, impagarup ti trak a ti dalan a mapan idiay Sabang ket isu ti dalan a mapan idiay Laoag isu a naagawna ti linya ti bus.
Nupay kasta, awan ti nadangran kadagiti drayber kasta payen ti pahinante ken dagiti pasahero.
Agpada met nga adda dadael dagiti dua a lugan.
