--Ads--
Inyatiddug pay dagiti otoridad idiay France ti curfew agingga Oktubre 29, kagiddan ti pannakaipatungpal ti naing-inget nga addang kontra iti mass protest iti nasao a pagilian.
Karaman kadagiti addang ti pannakaiparit kadagiti protesta idiay Marseille ken Lyon, kasta payen ti temporaryo a pannakaisarra iti publiko ti Louvre, Orsay, ken Picasso museums tunggal weekend.
Nagtaud dagiti protesta iti agtultuloy a panagpangato ti presio dagiti magatang ken ti mapapati a panagbaba ti kalidad ti edukasion.
Kabayatanna, pinasingkedan ni Interior Minister Jean-Didier Berger a manayonan iti 20 a porsiento ti bilang dagiti pulis a maideploy iti nadumaduma a paset ti France, idinto a 217 a demonstrador ti imbalud dagiti awtoridad.
-- ADVERTISEMENT --
