Saan nga ang-angaw ti naglasatan ti tubo iti Davao a para-swimmer a ni Ernie Gawilan sakbay a magun-odna ti balitok a medalya iti Asian Para Games.
Iti pannaki-uman ti Bombo Radyo Vigan ken ni Gawilan, kinasapulanna a sangwen ti kompetision iti baet ti injury iti kannawan nga imana.
Nupay kasta, nakatulong ti kinalaing ti coach-na tapno mailasat ti kompetision.
Naragsak pay ni Gawilan ta iti tawenna a 35 ket nairekordna ti oras a nababbaba ngem iti lima a minutos iti 400-meter freestyle event, a kunana ket pammaneknek a kabaelanna ti makigiddan iti kompetision.
Kalpasan daytoy a kompetision, kinuna ni Gawilan nga aginana pay sakbay a sumabak manen iti panagsanay para iti isasalina iti 2028 Paralympic Games.
Nagyaman met ti nasao a para-athlete iti suporta nga ipapaay kadakuada ti Philippine Sports Commission.
