--Ads--
Nairekord ti baro a panagalboroto ti Bulkan Taal kalpasan ti dua nga agsaruno a phreatic eruption ken panagado ti volcanic earthquake iti uneg ti duapulo ket uppat nga oras.
Segun iti Phivolcs, dagiti steam-driven eruption wenno lokal a maaw-awagan ti ‘pusngat’ ket napasamak idi rabii di kalman.
Nagiruar ti bulkan ti asok nga immabot iti 300 a metro iti ngato ti main crater lake.
Kalaksidan ti dua a minutos a phreatic eruption, nakairekord pay ti Phivolcs ti 43 volcanic earthquakes, ti kangatoan a nairekord ti maysa nga aldaw iti a bulan.
-- ADVERTISEMENT --
Agtaltalinaed ti Taal iti Alert Level 1, kayat na a sawen a nababa ti lebel ti unrest, ngem nagbalaag dagiti otoridad nga agtaltalinaed latta ti pangta ti kellaat a panagbettak.
