Pinapigsa ti gobierno ti healthcare system para iti ad-adu nga oportunidad kadagiti Filipino nurses.
Dayta ti pinasingkedan ni Presidente Ferdinand Marcos Jr iti idadar-ayna iti national convention ti Philippine Nurses Association Incorporated ken 104th foundation anniversary iti SMX Convention Center, Mall of Asia idiay Pasay City.
Segun ken ni Marcos, agtultuloy a makitinnulong ti gobierno iti Department of Health tapno mapapigsa ti healthcare workforce ken mapabileg ti kondision iti trabaho dagiti medical frontliner.
Innayon ti Presidente nga idi 2022 ket naikkaten ti moratorium iti naidiaya a baro a Bachelor of Science in Nursing programs ken ngimmato ti bilang dagiti pagadalan a nangidiaya iti programa ti 425 idi Hunyo manipud iti dati a bilang ti 354.
Malaksid dayta, intal-ona pay ti maysa tawen a master’s degree program in nursing tapno makatulong para kadagiti ad-adu a kwalipikado a clinical instructor ken educator.
