Carlos Yulo, nakastrek iti floor exercise, vault para iti World Championships

Sumabak manen iti baro a world title ti two-time Olympic gold medalist a ni Carlos Yulo kalpasan a makastrek iti floor exercise ken vault finals ti 54^th Artistic Gymnastics World Championships idiay Rotterdam, Netherlands.

Nagleppas ni Yulo iti maikadua a puesto iti floor exercise iti score a 14.500 ken maikanem iti vault iti score a 14.266, numan pay saan a nakastrek iti all-around finals kalpasan a nagpuesto iti maika-34.

Kaduana iti kompetision ti naub-ubing a kabsatna a ni Karl Eldrew Yulo a nagpuesto iti maika-84 iti overall standings.

Target ita ti Golden Boy a manayonan dagiti tallo a tatlong world championship titles-na kabayatan ti panagsagsaganana para iti umadani a finals iti floor exercise ken vault.