Dua a lalaki ti nadunor kalpasan ti panagdinnungpar ti maysa a motorsiklo ken maysa a bus iti national highway ti Barangay Barangobong, Sta. Lucia, Ilocos Sur.
Ti motorsiklo ket minaneho ti lalaki nga addan iti husto a tawen, kinalubbonna ti lalaki nga agtawen iti duapulo ket siam, agpada a taga-Barangay Parola, Tagudin.
Ti met bus ket minaneho ti lalaki nga agtawen iti limapulo ket siam, taga-Barangay Binongan, Sto. Domingo.
Maibasar iti CCTV, agpapa-abagatan ti motorsiklo a napaspas ti patarayna a mapan iti bangir a linya.
Segun iti drayber ti bus, nadlawna ti motorsiklo a sumungad isu a linisyanna ngem immagaw ti linya ti motorsiklo.
Gapu dayta, nadungpar ti motorsiklo ti rear left fender ti bus.
Nadunor ti nadumaduma a paset ti bagi dagiti nagkalubbon isu a naipaagasda iti ospital para iti naan-anay a pannakatamingda ket Naduktalan a nakainomda.
Saan met a naan-ano ti drayber ti bus.
