Mapatta-patta a 23,000 a pagadalan ti pagilian ti awanan iti principal gapu iti kinakurang dagiti aplikante a makapaspasa iti qualifying examination, segun iti Department of Education (DepEd).
Ad-adalen ti ahensia ti panangpalukay iti National Assessment for School Heads (NASH) tapno mapadaras ti panagala ken panangidutok kadagiti principal, agraman ti panangted iti remediation kadagiti aplikante a bimmagsak kadagiti sumagmamano a paset ti exam.
Segun iti DepEd, nagkiddawda iti pondo para iti nasurok 14,000 a nayon a posision ti principal intom 2027 nga aggatad iti P10.5 billion, ngem saan pay a nairaman daytoy iti proposed budget.
Kabayatanna, mapatta-patta nga 80,000 a nayon a mangisursuro ti kasapulan tapno masupusupan ti target a teacher-to-student ratio a 1:5 para iti nasurok-kumurang 400,000 nga agad-adal nga addaan iti special needs.
