Saan nga ikonektar ti Department of the Interior and Local Government (DILG) ti maysa a drug syndicate a nakabase idiay Davao ti nasalamaan a mapapati nga aggatad iti P3.5 bilion a shabu shipment idiay Laos.
Segun ken ni DILG Secretary Jonvic Remulla, nakasentro ti imbestigasyon iti panangbigbig kadagiti indibidual a possible a karaman.
Binigbig dagiti otoridad ni dati a Bangsamoro parliament member Edrieza Hadji Nasser Rimbang kas suspek a mapapati a nangpondo ken nangsimpa iti pribado nga eroplano a mangipatulod kadagiti shabu iti Pilipinas manipud Laos.
Agtultuloy ti panangbigbig ti Philippine National Police ken Philippine Drug Enforcement Agency kadagiti posible a karaman ken dagiti pinansial a transaksion, kabayatan a mayur-uray ti resulta ti laboratory manipud Laos.
