--Ads--
Plano ti Gilas Pilipinas ti mangisayangkat iti training camp idiay Seremban, Malaysia kas panagsagana iti sumaruno a window ti FIBA World Cup Asian Qualifiers.
Segun ken ni Samahang Basketbol ng Pilipinas executive director Erika Dy, karaman daytoy iti plano ni head coach Tim Cone, ngem iti Pilipinas laeng nga agsanay ti grupo no saan a matuloy ti kampo idiay Malaysia.
Maisayangkat ti FIBA window inton November 27 ken 29, ket target ti Gilas a mapasayaat ti agdama a 4-4 win-loss record-na.
Makasango ti Nationals ti Syria inton Nobyembre 27 sakbay ti rematch-da kontra Iran inton Nobyembre 29.
-- ADVERTISEMENT --
