Pinagsisina ti Lincolnshire Wildlife Centre idiay England dagiti lima nga African grey parrots a da Billy, Eric, Tyson, Jade ken Elsie kalpasan a nasanayda iti panag-trash talk ken aggigiddan a panagkatawa iti sangwanan dagiti bisita.
Segun kadagiti mangay-aywan, naallukoy dagiti billit nga uliten ti ar-aramidenda gapu iti reaksion dagiti tao a makigkigtot wenno makakatkatawa kadagiti mangmangngegda.
Numan pay awan ti naawat a reklamo manipud kadagiti bisita, nagdesision ti wildlife park a pagsisinaen dagiti parrot tapno maliklikan ti pasamak ken tapno masalwadan dagiti ubbing a bumisbisita.
Nupay kasta, pinadasda nga iraman kadagiti dad-dadakkel a grupo dagiti billit a saan nga agta-trash talk ta namnamaenda a maksayan dagiti dakes a balikas a nakairuamanda.
