--Ads--
Agtultuloy ti panangmodernisa ti panagtaltalon iti ili ti magsingal kalpasan ti pannakaiwaras ti 53 a unit ti tractor kadagiti clustered farmers a mangsakop iti 40 hectares a taltalon.
Ti pannakaiwaras dagiti tractor ket babaen iti lokal a gobierno ti Magsingal nga idaulwan ni Mayor Victoria Ina Favis, kadua ti Sangguniang Bayan iti panangidaulo ni Vice Mayor Alrico Favis.
Karaman dagiti tractor ti trailer, rotavator ken power harrow, ken naikabalinan iti GPS a mangtulong iti panagmonitor ti panagusar kadagiti makinaria tapno masigurado a mausar dagitoy.
Manamnama a babaen kadagitoy a makinaria ket matulongan dagiti mannalon a maksayan ti gastosda iti panagtalon, sumayaat ti aramidda ken mapabuslon ti agricultural production ti ili.
-- ADVERTISEMENT --
