Bwineltaan ti Malakanyang dagiti kritiko ni Presidente Ferdinand Marcos Jr. a nangkatawa laeng iti bilin na iti publiko a gumatang ti timba ken agurnong ti danum sakbay pay ti Super El Niño.
Pinasingkedan ni Presidential Communications Office (PCO) Undersecretary ken Palace Press Officer Claire Castro nga imbes a babalawen ti presidente ket nasaysayaat laengen a gumatang ti “balde-balde nga utek” tapno maawatan plano ni Marcos.
Dinakamat ni Castro ni Vice President Sara Duterte a nangkatawa iti nagbalin a bilin ti presidente no sadino pinasingkedan ti bise presidente iti publiko nga awan ti namnamaen da manipud ken ni presidente Marcos.
Maipalagip a nagpalagip ni Marcos iti publiko a gumatang ti timba tapno aramaten a pagurnongan ti danum no agtudo.
