Naammuanen ti Philippine National Police Forensic Group ti pakabigbigan dagiti 60 a bangkay a nasarakan manipud iti nauram nga MV June Aster idi Setyembre, segun iti Philippine Coast Guard (PCG).
Agtultuloy ti proseso iti panangbigbig kadagiti 11 a dadduma pay a bangkay, idinto a makibimbinnulig ti Emergency Operations Center (EOC) idiay Coron, Palawan para kadagiti pamilia dagiti natay.
Dua a claimant ti personal a nagturongen iti EOC tapno asikaswen dagiti dokumento, ngem awan pay ti pormal a naka-claim kadagiti bangkay.
Nangimuntar met ti lokal a gobierno ti Coron iti one-stop shop assistance desk iti EOC a silulukat manipud Lunes agingga Huebes, iti alas syete iti agsapa agingga iti alas sais iti rabii tapno mapaalisto ti proseso iti panangala kadagiti bangkay.
