--Ads--
Namnamaen ti Department of Agriculture (DA) a maka-kolekta ti gobierno ti nasurok P10 bilyon a nayon a pastrek manipud iti plano a panangi-ngato ti tarita iti imported a karne ti baboy.
Iti panagdenggeg ti Tariff Commission, pinasingkedan ti DA a mabalin a maaramat ti nayon a pastrek tapno pondon ti Animal Competitiveness Enhancement Fund (AnCEF), a gagem na a papigsaen ti industriya.
Segun ken ni Katrin Mares, assistant chief ti DA Macro-Economic Policy Division, mabalin a lumbes iti P10 bilyon a nayon a pastrek ti gobierno no maingato ti taripa iti imported a karne ti baboy.
Insingasing ti DA ti in-inot a panangi-ngato ti taripa iti imported a karne ti baboy gapu iti agtultuloy a panagbaba ti presio ti baboy iti lebel dagiti mannalon.
-- ADVERTISEMENT --
