--Ads--
Umaboten iti 107 a lugar iti pagilian ti nagideklara iti state of calamity gapu iti epekto ti El Niño maibasar iti listaan ti National Disaster Risk Reduction and Management Council (NDRRMC).
Segun iti NDRRMC, 66 a siudad ken ili ti nangideklara iti state of calamity iti Region 2 wenno Cagayan Valley, 23 iti CARAGA ken 12 iti Region 5 wenno Bicol Region.
Kabayatanna, uppat a lugar ti nagideklara iti state of calamity iti CALABARZON, ken saggaysa iti Region 8 ken Region 12.
Umabot met iti 121,185 a pamilia wenno katukad iti 451,889 nga indibidual ti naapektaran iti El Niño kadagiti 1,019 a barangay iti pagilian.
-- ADVERTISEMENT --
