Natay dagiti tallo nga indibidwal agraman dagiti dua nga ubbing idinto a maysa ti nakalasat kalpasan a magaburanda iti panagreggaay ti maysa a balay idiay Sitio Riverside, barangay Pulangbato, Cebu City, idi Oktubre 9, 2026.
Nabigbig dagiti biktima a da Judith Bunghanoy agtawen iti innem a pulo, Kayden Avery, agtawen iti lima ken Xian Kyrie Caballero.
Matamtaming met iti balay pagagasan ti nakalasat iti landslide a ni Juliet Pearl Andamon.
Baklayen ti gobierno siudad ti gastos iti pannakaitabon dagiti biktima ken pannakaagas dagiti nakalasat, segun ken ni Cebu City Councilor Dave Tumulak.
Gapu iti agtultuloy a tudo ken pangta ti sabali manen a panagreggaay ti daga ken dadakkel a bato, temporario a naibakwit ti 35 a pamilia iti Barangay Pulangbato Gymnasium kagiddan ti panangisayangkat ti Mines and Geosciences Bureau-7 iti safety analysis ti nasao a lugar.
