--Ads--
Saanen a patawan ti Women’s Tennis Association ti Filipina tennis star a ni Alex Eala kalpasan a pinilina nga ibagi ti Pilipinas iti 20th Asian Games imbes a sumali iti China Open.
Segun ken ni Philippine Tennis Association Executive Director Tonette Mendoza, binigbig ti WTA ti kalikagum ni Eala a makaala iti direkta a puesto para iti 2028 Los Angeles Olympics.
Posible koma a mamuelta ni Eala iti $10,000 ken kissayan ti ranking points kas maibasar kadagiti patakaran ti organisasion, ngem nangipatungpal ti WTA kadagiti baro a probision tapno salwadan dagiti atleta nga agserserbi iti pagilianda.
Agin-inana ita ni Eala sakbay a sumali iti WTA 1000 Wuhan Open idiay China inton Oktubre 12 agingga 18.
-- ADVERTISEMENT --
