--Ads--
Pinasingkedan ti Philippine Ambassador to Singapore Medardo Macaraig nga isolated incident ti pannakakemmeg dagiti lima a Filipino a turista gapu iti mapapati a panagtakawda iti SGD 155,000 wenno nasurok-kumurang P7.6 million.
Segun ken ni Macaraig, umabot iti 220K dagiti Pilipino idiay Singapore ken daytoy ti umuna nga insidente a nairekord iti panagtakemna.
Dimmar-ay iti court proceedings dagiti lima a Pilipino idi Oktubre 2 ken naituding nga agsublida iti korte inton Oktubre 9, idinto nga impasigurado ti embahada nga adda umdas a legal assistance-da.
Kabayatanna, pinalagipan ti Philippine Embassy dagiti amin a Pilipino idiay Singapore a sumurot kadagiti paglintegan ti nasao a pagilian ken liklikan ti ania man nga iligal nga aramid.
-- ADVERTISEMENT --
