--Ads--
Umabot iti 106 a lugar ti naidalan iti state of calamity gapu iti kumarkaro nga El Niño ken dagiti kondision iti tikag iti pagilian, segun iti National Disaster Risk Reduction and Management Council (NDRRMC).
Karaman ditoy ti 66 a lugar iti Cagayan Valley, 23 iti Caraga, 12 iti Bicol, 4 iti Calabarzon, ken 1 iti Soccksargen.
Nairekord pay ti 39 nga insidente ti uram iti kabakiran ken kabambantayan idiay Caraga.
Uppat a siudad ken ili ti nakapadas iti pannakaputed ti suplay ti danum, idinto a 33 a lugar ti nagsuspenso iti klasena.
-- ADVERTISEMENT --
Iti intero a pagilian, 104,149 a pamilia wenno 388,375 indibidual ti naapektaran.
Umabot metten iti P5.56 billion ti nadadael ken production losses iti agrikultura, a ti P4.96 billion ket manipud iti Cagayan Valley.
