Awan ti nadangran iti pannakatukbob ti motorsiklo iti maysa nga SUV iti provincial road ti Barangay Ambucao, Santiago, Ilocos Sur.
Ti SUV ket minaneho ti maysa a babai nga agtawen iti uppat a pulo ket uppat, negosiante, taga-San Juan Street, Candon City.
Ti met drayber ti motorsiklo ket babai nga agtawen iti duapulo ket dua, backrider-na ti babai nga agtawen iti limapulo ket lima, agpada a taga- Brgy. Ambucao, Santiago.
Maibasar iti imbestigasion, agpada nga agpaabagatan dagiti dua a lugan ken nabuntog ti tarayda idi nag-hazard signal ti drayber ti SUV tapno agparking.
Aksidente a napikar ti drayber ti motorsiklo ti accelerator ti lugan ket natukboba ti SUV.
Numan pay awan ti nadangran kadagiti drayber ken backrider ti motorsiklo, agpada nga adda dadael dagiti lugan.
