Binigbig ni Presidente Ferdinand Marcos Jr ti napateg nga akem dagiti mangisursuro iti panangmuli ti panunot dagiti agtutubo ken ti panangtarabay kadakuada para iti nasaysayaat a biag.
Nakikaysa ni Marcos iti selebrasion ita a Lunes, Oktubre 5 ti National Teachers’ Day, ta adda gathering dagiti mangisursuro idiay Smart Araneta Coliseum.
Iti mensahena, dinayaw ti presidente ti sakripisio ti panagbalin a mangisursuro ken ti responsibilidad a mapatanur ti biag dagiti agtutubo.
Nagpanawagan ni Marcos kadagiti mangisursuro nga agbalin a naridam ken panunoten latta ti pagsayaatan ti kaadduan.
Impasigurado pay ti presidente ti suporta ti gobierno tapno masolusyonan ti pagkasapulan iti edukasion, dagiti alikamen ken suporta kadagiti pagadalan tapno sangwen ti karit ti sumaruno a henerasion.
