Nakemmeg ti maysa a lalaki babaen iti naiwayat a search warrant operation gapu iti panagikotna iti iligal a droga ken paltog idiay Barangay Cadacad, Narvacan, Ilocos Sur.
Ti suspek ket agtawen iti tallopulo ket dua, mannalon, agnaed iti nasao a lugar.
Naala manipud iti pagtaengan ti suspek ti 0.700 grams ti mapapati a shabu nga aggatad iti P4,760 a naikabil iti lima a piraso ti small heat-sealed transparent plastic sachet; 27 grams ti mapapati a napagango a bulong ti marijuana nga aggatad iti P3,240 a naikabil iti plastic ziplock, maysa nga improvised glass tooter nga adda shabu residue-na, ken dua a rolled aluminum foil nga adda mapapati a shabu residue-na.
Dagiti met non-drug evidence a naala ket pakairamanan ti homemade caliber 22 revolver, 4 a piraso ti live ammunition para iti caliber 22, uppat a piraso para iti live ammunition para iti ordinary caliber 22, 5 a piraso ti live ammunition para iti caliber 38, plastic ziplock, green plastic box ti double mint candy, gwantes, ken narugit a white shoulder bag.
