Pinasingkedan ni Senate President Win Gatchalian ti dagus a panagbalin a linteg bti gakat a GINHAWA tapno makatulong a mapagtalinaed ti kabaelan dagiti mangmangged a makagatang ti kasapulan da bayat nga agtultuloy a ngumatngato ti presio ti langis.
Segun ken ni Gatchalian, nayon a dagsen kadagiti con sumer ti baro nga oil price hikes, kangrunaan no agtultuloy pay ti tension idiay Middle East a posible a mangiduron ti panagngato ti world price ti krudo.
Kalaksidan iti direkta nga epekto kadagiti motorista, pinasingkedan ti agpampanday linteg a mabalin a sumurot a ngumato ti presio ti dadduma pay a kangrunaan a magatang ken serbisio, pakairamanan ti kuryente, gapu ti panagngato ti gastos iti enerhiya.
Iti Senate Bill No. 56 wenno Granting Increase in Take-Home Pay for All Working Filipinos Act, a maawagan a GINHAWA measure, insingasing ni Gatchalian nga ingato ti income tax exemption threshold manipud iti ₱250,000 a mapan iti ₱400,000 a tinawen a kita.
Idurduron pay ti gakat ti nga ingato manipud P90, 000 a mapan iti P150, 000 ti cap kadagiti bonus a sakop ti buwis.
