--Ads--
Saan a naigawidan ti rikna ti ina ti Filipino taekwondo player a ni Kurt Barbosa a makasangit ken agikkis kalpasan a magun-od ti anakna ti silver medal iti Asian Games.
Iti pannaki-uman ti Bombo Radyo Vigan ken ni Regina Cristina dela Vega, napalaus ti panagkararagna idi buybuyaenna ti laban ti anakna ken naragsakan la unay idi maammuanna ti resulta ti kompetision.
Aminado ni dela Vega a naasian isuna ken ni Kurt iti panagsagsaganana iti laban ta kinasapulanna ti agkissay iti dagsen, isu a matimbeng ti kanenna.
Nupay kasta, inladawanna ti anakna kas maysa a disiplinado, managpakumbaba, ken managayat.
-- ADVERTISEMENT --
Apaman a makaawid ni Kurt, namnamaen ti inana nga agsagananto manen para iti sumaruno a kompetisionna idiay Saudi Arabia.
