--Ads--
Nagkiddaw ti kampo ni Vice president Sara Duterte iti National Bureau of Investigation (NBI) ti kopya ti naipasa a sinapataan a salaysay ni Rodulfo Gracioso Jr, mainaig iti alegasionna kontra iti pamilia Duterte.
Iti surat ti abogado ti bise presidente, kinunana nga awan ti naipaay kadakuada a kopya ti affidavit ni Gracioso ken kasapulanda ti nasao a dokumento tapno makaisaganada iti sungbatda.
Naituding ti itatabuno ti bise presidente iti NBI confererence inton October 5 ngem kiniddaw ti kampona nga yakar ti petsa inton ioctober 8, tapno maikkanda ti umdas nga oras a mangadal kadagiti dokumento.
Ti alegasion ni Gracioso ket mainaig iti mapapati a panangitulod na iti minaleta a kwarta iti pamilia Duterte.
-- ADVERTISEMENT --
