Pinasingkedan ti Senate impeachment court nga adda karbengan ni dati a Senador Antonio Trillanes IV nga agsao, ngem saan na a kayat a sawen nga agbalin a basaran ti senator-judges dagiti statement na iti panag-decision iti impeachment trial ni Vice President Sara Duterte.
Segun ken ni impeachment court spokesperson Atty. Reginald Tongol, naibaga daytoy kalpasan ti press conference ni Trillanes no sadino adda dagiti nadakamat na a maipagarup nga ebidensia mainaig iti alegasion ti ill-gotten wealth kontra ken ni Duterte.
Innayon ni Tongol a dagiti laeng pagibasaran dagiti senator-judge ket dagiti ebidensia, testimonia, ken dokumento a pormal a naipasango iti impeachment court.
Nagbalina a paset ni Trillanes ti listaan dagiti testigo ti prosekusion tapno paneknekan ti alegasion nga adda unexplained wealth ni Duterte ken saan na daytoy nga indeklarar iti SALN na, ngem imbabawi ti prosekusion ti panagsango na kas testigo.
