Umaboten iti 68,905 a benepisyaryo ti nakaawat iti emergency cash transfer manipud Department of Social Welfare and Development (DSWD) kabayatan nga agtultuloy met ti pay out iti Region II gapu iti El Niño.
Nakatutok ti DSWD kadagiti nasurok 189, 000 a pamilia nga apektado ti El Niño ken agtultuloy ti panangipaayda iti family food packs, water containers ken dadduma pay a tulong a kasapulan dagiti benepisyaryo.
Nangideploy met ti ahensia iti water tanks ken water treatment units kadagiti lugar a makapadpadas iti kinakurang ti danum, ken ad-adalenda dagiti teknolohia kas ti Atmospheric Water Generator.
Umabot iti P714-m ti humanitarian assistance ti DSWD para iti El Niño response ken sagsaganaanda latta ti posible nga ikakaro ti water shortage, food insecurity ken nakaro a bara ti panawen.
