--Ads--
Dua ti nadunor iti napasamak nga aksidente iti Sta. Lucia-Salcedo Provincial Road, Baranga Conconig East, Sta. Lucia, Ilocos Sur.
Ti SYM Bonus 110 ket minaneho ti lalaki nga agtawen iti duapulo, salesman/driver ti Wellmart Grocery, taga-Barangay Paoc Norte, Sta. Lucia, Ilocos Sur.
Ti met Honda Click 125 a motorsiklo ket minaneho ti babai nga agtawen iti tallopulo ket walo, kahera iti Salcedo National High School, agnaed iti Barangay Conconig.
Agpada nga agpapalaud dagiti dua a motorsiklo a ti Click ket sarsarunwenna ti Bonus.
-- ADVERTISEMENT --
Nagsikko iti kannigid ti Click ken saan a nakontrol ti drayber ti Bonus ti luganna isu a napasamak ti panagdinnungpar.
Naipaagas iti ospital dagiti dua a drayber para iti naan-anay a pannakatamingda.
