--Ads--
Plano ti gobierno ti umutang iti P892 billion iti domestic market manipud Oktubre agingga Disyembre tapno pondoan ti pagkasapulanna iti baet dagiti geopolitical tensions.
Segun iti Bureau of the Treasury, karaman dutoy ti agingga P430 billion iti Treasury bonds ken P462 billion iti Treasury bills.
Pinasingkedan ni National Treasurer Sharon Almazan a naiwaras dagiti issuance tapno maganar ti posible a panagbaba ti interest rates kadagiti sumaruno a bulan.
Nangatngato ti fourth-quarter borrowing program ita a tawen no ikumpara iti P437 billion iti isu met laeng a panawen idi napan a tawen, ngem nababbaba daytoy iti P1.12 trillion a borrowing program idi third quarter.
-- ADVERTISEMENT --
